Komposto Qershije

Qershitë i pastrojmë nga bishtat dhe nga bërthamat nëqoftë se mundemi ( unë sot nuk i hoqa dot të gjithave se disa ishin të forta dhe i ndava në mes për tja hequr bërthamën).

I vendosim në vazo qelqi të lara mirë. Në një tenxhere vendosim ujin dhe sheqerin dhe nga momenti që marin valë, zjejmë vetëm 10 min, duke u siguruar që sheqeri është tretur plotësisht.

Shtojmë aty edhe lëngun e limonit dhe kanellën nëqoftë se duam. Me shurupin e nxehtë që përgatitëm, mbushim vazot me qershitë. I mbyllim mirë kapakët, që duhet të jenë patjetër të rinj dhe i kthejmë përmbys duke i lënë ashtu sa të ftohen plotësisht,pastaj i marim dhe i ruajmë në vënd të errët.

Kaq thjeshtë. Kështu qëndrojnë pa prishur për një koh të gjatë.

Në të njëjtën mënyrë mund të bëjmë edhe komposto me vishnje.